رمضان الموت او رمضان الموت

بسم الله الرحمن الرحيم

(ولا تحسبن الذي قتلو في سبيل الله امواتا بل احياء عند ربهم يرزقون )

صدق الله العظيم

الى القناة التي وهبت نفسها لخدمه العراق والعراقيين وادخال الفرحه والسرور الى قلوبهم كتبنا وسنكتب ولن تكمم افواه الحقيقه

الى شهداء الحقيقه

رمضان الدم او رمضان الموت


ما اسولف عالوطن جرحه جبير
لن شفت جرح الوطن شايل وطن

وما شفت موت بوطن صاير اسير
واگف اباب الحزن يطلب اذن

هذا حالك ياعراق ومو جديد
چم شهيد الراح بحظانك تضن؟؟

انت رمضانك اجاك وهم شهيد
يعني حتى الرحمه شالوها بجفن

المن انصوم ونصلي ونستغيث
اذا دم بفطورنا ايدور الصحن

والمن اصوات البالابل تذبحون
هم شفت بلبل يحز رگبة غصن

يتميتو الفرحه بعيون الحياة
بعد ما يفيد..الامل يرجع لمن ؟؟

يوم اسود مر على عيون العراق
هذا يوم وقبله يوم اشگد بقن ..؟؟

هوايه ضلن يا وطن نحسب عليش
خل ننوح ونلطم بحظرة حسن

عفيه بالشرقيه هيه افضل قناة
بيوم انطت اربعه لچف الحزن

يا عروس الما لبستي انتي البياض
ثوبج احمر لبسوچ بلا ردن

چي طبع ام وعليج ابنج يدور
جاج من حلگ الوطن رايد حظن

بس لگه امه تنوح ما يعرف عليش
بچه عينه وطاح من عينه الزمن

الجبوري عمار

14 / 9 / 2008